Групавыя відэавыклікі

Чытаць арыгінальны допіс па-англійску
TITLE

Ад сёння вы можаце уключыць сваю камеру або паказаць свой экран падчас Галасавых чатаў у суполках – на любой прыладзе, у тым ліку планшэтах і персанальных камп’ютарах. Галасавыя чаты выходзяць на новы ўзровень: цяпер няма ніякіх абмежаванняў для анлайн-лекцый, бізнес-сустрэч і вялікіх сямейных сходаў.

Мы яшчэ зрабілі анімаваныя фоны, стылёвыя анімацыі адпраўкі паведамленняў і… Лепей зрабіць пра гэта асобны допіс у блог – запрашаем!

Групавыя відэавыклікі

Галасавыя чаты ў любой суполцы лёгка пераўтвараюцца ў відэаканферэнцыю – проста даткніцеся да значка камеры, каб уключыць перадачу відэа.

Даткніцеся да любога відэа, каб разгарнуць яго на поўны экран. Калі вы замацуеце відэа, яно застанецца ў фокусе, пакуль усе астатнія далучаюцца і ўключаюць камеры.

Каб пачаць галасавы чат, адкрыйце меню ⋮ у профілі любой суполкі, якой вы кіруеце (на iOS кнопка 'Галасавы чат' бачная адразу ў профілі суполкі).

Перадача гуку даступная для неабмежаванай колькасці ўдзельнікаў, а вось відэа могуць перадаваць толькі першыя 30 удзельнікаў, якія далучыліся да чата. Мы неўзабаве падвысім гэтае абмежаванне, каб раскрыць патэнцыял галасавых чатаў у стрымінгу гульняў і паказе разнастайных падзей у жывым эфіры.

Паказ экрана

У дадатак да перадачы відэа з камеры, вы можаце таксама паказваць свой экран – ці, як захочаце, усё адразу.

Каб паказаць свой экран іншым удзельнікам, даткніцеся ⋮ ці ⋯ у любой праграме і выберыце адпаведны пункт меню.

Налады фільтрацыі шуму

Мы палепшылі падаўленне шуму у галасавых чатах, каб голас кожнага было добра чуваць нягледзячы на аніякія нягеглыя суседнія абставіны з дрылямі. Мы таксама дадалі пераключальнік, каб вы маглі адключыць падаўленне – мабыць раптам вам спатрэбіцца даць суразмоўцам паслухаць, які гудзёж у вас стаіць?

Налады шумападаўлення

Падтрымка планшэтаў і камп’ютараў

Планшэты і камп’ютары маюць большыя экраны, а таму і размясціць на іх можна паболей усяго – напрыклад, паспрабуйце даткнуцца да бакавой панэлі, каб уключыць падзелены рэжым: з аднаго боку будзе відаць відэа, а з іншага – спіс удзельнікаў. Дарэчы, гэты рэжым добра аптымізаваны што для вертыкальнай, што для гарызантальнай арыентацыі.

Галасавыя чаты на камп’ютарах адкрываюцца ў асобным акне, так што можаце спакойна размаўляць і праглядаць іншыя свае чаты, нічога не згортваючы. А яшчэ, таксама на камп’ютарах, можна выбраць асобнае акно для паказу экрана, калі вам спатрэбіцца паказваць не ўвесь экран, а нейкую пэўную праграму.

Ну і ў дадатак: калі хтосьці пачынае паказваць свой экран, то ў камп’ютарных версіях праграмы яго відэа аўтаматычна замацоўваецца. Вельмі карысна, каб зарганізаваць працу невялічкай каманды праграмістаў.

І шмат чаго яшчэ?

А на сёння ўсё… Стоп, пачакайце. Ледзь не забылі, мы ж зрабілі два абнаўленні заместа аднаго:

Працягнуць чытаць пра анімаваныя фоны і іншыя паляпшэнні.


25 чэрвеня, 2021
Каманда Telegram

Іншыя навіны

Історії для груп і ще 8 нововведень

Telegram виводить спілкування в групах на новий рівень завдяки 9 можливостям, які вдосконалюють досвід комунікації. Тепер групи мають змогу публікувати історії та зберігати їх як публікації…
29 Лют, 2024

Збережене 2.0, одноразові голосові повідомлення та ще 8 можливостей

Протягом січня Telegram отримав 10 нових можливостей, зокрема оновлений чат «Збережене», одноразові голосові та відеоповідомлення, які…
31 Сту, 2024

Вдосконалені дзвінки, ефект «Клацу Таноса» та епічне оновлення ботів

У 10-му оновленні 2023 року Telegram додає вдосконалені дзвінки в новому кольоровому дизайні, що використовує менше заряду акумулятора…
31 Сне, 2023

Зовнішній вигляд каналу, дописи в історіях та інші вдосконалення

У різдвяному оновленні канали можуть встановлювати шпалери, емоджі-статуси та фонові іконки профілю, користувачі можуть поширювати повідомлення…
23 Сне, 2023