Абарона змесціва, выдаленне па датах, кіраванне прыладамі і шмат чаго яшчэ

Чытаць арыгінальны допіс па-англійску
Абарона змесціва, выдаленне па датах, кіраванне прыладамі і шмат чаго яшчэ

Сённяшняе абнаўленне дадае інструменты для абмежавання захавання змесціва ў суполках і каналах, магчымасць выдаліць паведамленне ў пэўную дату ці за перыяд часу, новыя спосабы кіравання аўтарызаванымі прыладамі, магчымасць ананімна размяшчаць паведамленні ў публічных суполках ад імя вашых каналаў — і гэта яшчэ не ўсё!

Абарона змесціва ў суполках і каналах

Мы хочам дапамагчы стваральнікам кантэнту абараніць іх творчасць у Telegram і дадаць упэўненасці, што да яе будзе мець доступ толькі мэтавая аўдыторыя.

Уладальнікі суполак і каналаў, якія хочуць, каб іх допісы дасягалі толькі ўдзельнікаў, могуць абмежаваць перасылку паведамленняў з чата, што таксама забараняе здымкі экранаў і захаванне медыяфайлаў у допісах.

Каб забараніць ці дазволіць карыстальнікам перасылку паведамленняў з чата, адкрыйце старонку звестак аб суполцы або канале > Тып суполкі / Тып канала > Абмежаваць захаванне змесціва.

Выдаленне паведамленняў па датах

Карыстальнікі Telegram маюць поўны кантроль над сваім лічбавым адбіткам і могуць у любы момант выдаліць паведамленні з любога чата. А з гэтым абнаўленнем вы цяпер можаце ачысціць гісторыю чата за пэўную дату ці перыяд часу у любым асабістым чаце.

Каб адкрыць календар, даткніцеся да «бурбалкі» з датай, якая ўсплывае падчас гартання, а пасля выберыце дні для выдалення гісторыі.

Пакуль што выдаленне гісторыі чата па датах працуе толькі ў асабістых чатах, але паведамленні ў любым чаце могуць быць наладжаны на аўтавыдаленне праз дзень, тыдзень або месяц па адпраўцы.

Кіраванне далучанымі прыладамі

Вы можаце карыстацца Telegram на ўсіх сваіх прыладах у адначассе, і меню «Прылады» дазваляе вам сачыць і кантраляваць аўтарызацыі ў ваш уліковы запіс. Мы дадалі новую кнопку для хуткай аўтарызацыі камп’ютараў і наладу для аўтаматычнага выхаду з уліковага запісу на прыладах, якія пэўны час застаюцца неактыўнымі.

Націсніце на любую прыладу ў спісе, каб прагледзець звесткі аб ёй і дазволіць прымаць выклікі або распачынаць новыя сакрэтныя чаты праз яе.

Telegram даступны для ўсіх платформ — на старонцы telegram.org/apps можна спампаваць праграму для любой вашай прылады.

Ананімныя паведамленні ў публічных суполках

Публічныя суполкі і каментарыі каналаў дазваляюць абмяркоўваць любую тэму з тысячамі людзей у адначассе. З дапамогай гэтых суполак нашы карыстальнікі і абаранялі дэмакратыю, і размаўлялі з фанатамі — і мы вырашылі даць ім магчымасць пісаць ад імя канала у гэтых чатах.

Націсніце на аватар профілю побач з полем уводу паведамлення і выберыце адзін з вашых каналаў — і ўсе адпраўленыя пасля гэтага паведамленні будуць мець назву і аватар канала, заместа імя і фота вашага асабістага ўліковага запіса.

Уверсе «бурбалак» паведамленняў таксама будзе паказвацца назва вашага канала.

Новыя спосабы ўваходу праз выклік

Ад сёння некаторым мабільным прыладам будзе даступная магчымасць увайсці праз выклік ад Telegram — неабходна ўвесці некалькі лічбаў нумара тэлефона, які тэлефануе вам заместа атрымання кода ў тэкставым паведамленні.

Адказы на запыт на далучэнне

Калі вы пакідаеце запыт на далучэнне да суполкі або канала, і кіраўнік адказвае вам паведамленнем, то вы будзеце бачыць назву гэтай суполкі або канала уверсе вашага чата.

Таксама боты-кіраўнікі змогуць пісаць тым карыстальнікам, якія падалі запыт на далучэнне да іх чата, нават калі карыстальнік да гэтага не запускаў бота. Гэта адкрывае безліч магчымасцяў: ад простага тлумачэння правілаў суполкі перад далучэннем да паўнавартаснага іспыту або запыту ахвяравання на падтрымку аўтараў канала.

Глабальныя тэмы чатаў для Android

У верасні мы дадалі 8 новых тэм, якімі можна было вылучаць асобныя чаты – і цяпер іх можна дастасаваць да ўсёй праграмы на Android (а карыстальнікі iOS ужо мелі такую магчымасць з мінулага абнаўлення).

Налады чата былі поўнасцю перапрацаваныя, даючы новым тэмам пярэдні план. Зробленыя камандай Telegram, кожная з тэм мае дзённы і начны рэжым, каляровыя анімаваныя фоны і градыентныя «бурбалкі» паведамленняў.

І, як усякую іншую тэму, іх можа змяняць пад сябе — да прыкладу, змяніць колеры ўзору. Каб прагледзець дадатковыя магчымасці і налады, націсніце «Прагляд тэм», каб рэдагаваць або распаўсюдзіць свае стварэнні.

Распазнаванне тэксту на iOS 13+

На прыладах з iOS 13 і вышэй распазнаванне тэксту працуе на відарысах у чатах Telegram, дазваляючы вам хутка вылучаць і капіяваць тэкст, нават не адкрываючы клавіятуры. Сам тэкст не перадаецца нікуды па-за вашу прыладу, усе працэдуры адбываюцца на ёй.

Падтрымка розных моў у гэтай функцыі рэалізуецца кампаніяй Apple, так што як ваша мова яшчэ не трапіла ў спіс, то сачыце за будучымі абнаўленнямі iOS.

Фармаціраванне тэксту ў подпісах да медыяфайлаў на iOS

Крыху тоўстага або курсіўнага тэксту стварае правільнае адценне сэнсу ў паведамленні, так што цяпер можаце свабодна карыстацца усімі опцыямі фармаціравання у подпісах да медыяфайлаў – уключна са стварэннем спасылак.

Дарэчы, перш чым вы спытаецеся «а для Android?» – на Android гэта і так можна было рабіць. 😉

Змена дызайну старонкі звестак на iOS

Кантакты, суполкі і каналы цяпер маюць новыя старонкі звестак у новым стылі iOS 15.

Змена дызайну старонкі звестак на iOS

І пакуль што ўсё. Давайце праверым, ці паспеем мы зрабіць яшчэ нешта да канца года.


7 снежня, 2021
Каманда Telegram

Іншыя навіны

Історії для груп і ще 8 нововведень

Telegram виводить спілкування в групах на новий рівень завдяки 9 можливостям, які вдосконалюють досвід комунікації. Тепер групи мають змогу публікувати історії та зберігати їх як публікації…
29 Лют, 2024

Збережене 2.0, одноразові голосові повідомлення та ще 8 можливостей

Протягом січня Telegram отримав 10 нових можливостей, зокрема оновлений чат «Збережене», одноразові голосові та відеоповідомлення, які…
31 Сту, 2024

Вдосконалені дзвінки, ефект «Клацу Таноса» та епічне оновлення ботів

У 10-му оновленні 2023 року Telegram додає вдосконалені дзвінки в новому кольоровому дизайні, що використовує менше заряду акумулятора…
31 Сне, 2023

Зовнішній вигляд каналу, дописи в історіях та інші вдосконалення

У різдвяному оновленні канали можуть встановлювати шпалери, емоджі-статуси та фонові іконки профілю, користувачі можуть поширювати повідомлення…
23 Сне, 2023