Суперканалы, зорныя рэакцыі і падпіскі

Чытаць арыгінальны допіс па-англійску

Сёння 11-я гадавіна стварэння Telegram. З жніўня 2013 года мы мелі смеласць першымі рабіць шматлікія новыя функцыі і выраслі амаль да аднаго мільярда карыстальнікаў з нулявымі выдаткамі на рэкламу — усё дзякуючы падтрымцы, якую мы атрымалі ад вас, нашыя дарагія карыстальнікі і аўтары кантэнту.

З сённяшнім абнаўленнем мы працягваем традыцыю аддаваць нашай супольнасці. Сустракайце Зорныя рэакцыі і Зорныя падпіскі, якія дазваляюць карыстальнікам падтрымліваць аўтараў кантэнту; платныя медыя для ботаў і бізнесаў, а таксама новы рэжым для каналаў Telegram, які дазваляе кіраўнікам размяшчаць допісы ад імя іх іншых каналаў або асабістых профіляў.

Зорныя рэакцыі

Карыстальнікі цяпер могуць непасрэдна падтрымліваць свае любімыя каналы і стваральнікаў кантэнту, адпраўляючы ім «Зоркі» Telegram з дапамогай новых зорных рэакцый.

Уладальнікі каналаў атрымліваюць 100% «Зорак» — і могуць пераўтварыць іх у ўзнагароды ў крыптавалюце Toncoin або рэінвеставаць у рэкламу.

На ўсялякі выпадак, калі вы хочаце націснуць прыгожа аніміраваную кнопку.

Кожны пост з зорнымі рэакцыямі паказвае табліцу лідараў, дзе тыя, хто адправіў больш «Зорак», будуць паказвацца ўверсе. Але карыстальнікі могуць схаваць сябе адтуль, калі іх не цешыць такая публічнасць.

На ўсялякі выпадак, калі вы хочаце вылучыцца — і калі не хочаце.

Каб уключыць зорныя рэакцыі на вашых допісах, перайдзіце ў Налады канала > Рэакцыі > Уключыць платныя рэакцыі.

Зорныя падпіскі

Цяпер аўтары кантэнту могуць ствараць спецыяльныя спасылкі-запрашэнні, якія дазваляюць далучыцца да канала ў абмен на штомесячную аплату у Зорках Telegram.

На ўсялякі выпадак, калі вы і самі – накшталт як зорка.

Для стварэння эксклюзіўнага канала з дадатковым кантэнтам, раннім доступам да медыя або VIP-жывымі эфірамі цяпер патрабуецца ўсяго некалькі націскаў.

Каб стварыць платную спасылку, перайдзіце ў Налады канала > Тып канала > Кіраванне спасылкамі на запрашэнне > Стварыць новую спасылку і ўключыце Патрабаваць штомесячную аплату.

Платныя медыя для ботаў

Уладальнікі каналаў могуць манетызаваць сваю працу, размяшчаючы платныя фота і відэа у сваіх каналах.

Гэтае абнаўленне робіць платныя паведамленні даступнымі для ботаў — уключаючы ботаў-кіраўнікоў у каналах і ботаў, якія падтрымліваюць уліковыя запісы Telegram для бізнесу.

На ўсялякі выпадак, калі ваш кантэнт чакаў прамысловай рэвалюцыі.

Гэта адкрывае новыя спосабы аўтаматызацыі каналаў і бізнесаў — або стварэння самастойных сэрвісаў, такіх як стварэнне відарысаў, павышэнне якасці відэа і многае іншае.

Распрацоўшчыкі могуць даведацца больш пра рэалізацыю гэтай функцыі тут.

Падтрымка аўтараў кантэнту

Telegram бярэ амаль нулявую камісію, калі распрацоўшчыкі або ўладальнікі каналаў выкарыстоўваюць свае «Зоркі» для атрымання ўзнагарод у Toncoin.

Калі стваральнікі кантэнту вырашаць рэінвеставаць «Зоркі» у прасоўванне свайго канала з дапамогай рэкламы ў Telegram, мы прапануем для такой рэкламы дадатковую скідку ў 30%.

Суперканалы

Калі вы размяшчаеце паведамленне ў канале Telegram, падпісчыкі звычайна бачаць імя і малюнак канала замест вашага ўласнага.

Пачынаючы з сённяшняга дня, вы можаце зрабіць свой канал больш падобным на суполку, дзе кіраўнікі могуць размяшчаць допісы ад імя сваіх уласных профіляў — ці нават ад імя іншых каналаў.

На ўсялякі выпадак, калі вы хочаце размясціць канал у свой канал.

Кіраўнікі канала могуць змяняць, ад чыйго імя яны размяшчаюць допіс, у любы час, націскаючы на фота профілю ў панэлі паведамленняў. Іншыя карыстальнікі ніколі не могуць убачыць спіс кіраўнікоў канала – таму падпісчыкі змогуць ведаць, што пэўны ўліковы запіс кіруе каналам, толькі ў тым выпадку, калі ад яго імя будзе размешчаны допіс.

Каб ператварыць ваш канал у Суперканал, перайдзіце ў Налады канала > Кіраўнікі і ўключыце Падпісваць паведамленні і Паказваць профілі аўтараў.

Прагляд дакументаў на iOS

Прагляд дакументаў у iOS, такіх як .pdf, .xls або .docx, цяпер будзе адкрывацца ў асобных укладках браўзера Telegram, каб вам было лягчэй пераключацца паміж файламі і паведамленнямі ў чатах.